Burkina Fason, Afrikako mendebaldean dagoen herrialde txikian, estatu-kolpe batean eraila izan zen Thomas Sankara-ren espiritu iraultzailearekin konprometitutako herritarren eta artisten erkidego sutsua bizi da. Thomas Sankara-ren lagunik onena eta aholkularia zen Blaise Compaoré-k zuzendu zuen estatu-kolpea, eta, horren ostean, herrialdea autokrata moduan gobernatu zuen 27 urtez, herri-matxinadaren ondorioz dimititu behar izan zuen arte. Gaur egun, erresistentziaren eta aldaketa politikoaren espirituak inoiz baino indar handiagoa dauka, eta Burkina Fasoko bizitza-eremu guztietara zabaltzen da. Afrikarentzat ez ezik, mundu osoarentzat ere inspirazio gisa balio du.