Herrien bidaian, lurraren aldeko borroka beti egon da presente. Nikaraguaren lurraren historia ez da salbuespena: 1979an Iraultza Sandinistak agindutako Nekazaritza Erreformatik gaur arte borrokak eta konkistak egon dira, baina baita bete gabeko promesak, engainuak, errepresioa eta ustelkeria. Gure historia hurbileko protagonisten testigantzetan oinarrituta, dokumentalak Lurrak Nikaraguan dituen arazoei buruz hausnartzea du helburu, oraina aztertzeko tresna hobeak eskaintzen dizkigun ikuspegitik.