1940. eta 1970. urteen artean Frantziara neskame lan egitera joan ziren emakumeen esperientzia kontatzen du. Kasu gehienetan, nerabeak eta neska gazteak ziren, familia atzean utzi zutenak bizitza hobea bilatzeko. Baldintza oso gogorretan lan egin zuten, 12 eta 14 ordu arteko lanaldiekin. Kasu askotan ez zuten kontraturik, eta askok muga ezkutuan igaro behar izan zuten pasaporterik ez zutelako. Dokumentalak Baztan-Bidasoako (Nafarroa) 15 emakumeren esperientziak biltzen ditu.