Paloma Pujol munduko footbag txapelduna da, eta Espainiako emakumezko freestyler bakarra. Hogeita hamaika urte ditu, eta badaki gorputzak laster ez diola berdin erantzungo, baina gogorra egiten zaio erretiratzea, bere urratsei jarraituko dion neskarik ez dagoela jakinda.

Paula, Ines eta Chaima harremanetan jarri dira Palomarekin, Instagram bidez. Izan ere, haren bideo eta tutorialak jarraituz entrenatzen hasiak dira hirurak. Palomak pozarren onartu du haiek entrenatzeko proposamena. Beren beldurrak eta segurtasun ezak gainditzea baino ez dute behar, eta beste neska bat aurkitzea, Freestyle Txapelketa Nazionalean (2018ko ekainean egin zen) lehen aldiz emakumezkoen kategoriara zabaltzea lortzeko.