Film honek Auroreren nerabezaroko gorabeherak ditu kontagai, 12 urte dituenetik 17 urte dituenera arte. Auroreren inguruan, batetik, gurasoak ditugu: landan daude, itsaso ondoan, beren bizitzak aldatzeko itxaropenarekin; Marie dugu, ondoko etxean bizi den andre zahar maitagarri bat; eta Pierre, minbiziaz sendatzeko bidean hilabete batzuetarako hara bizitzera joan den unibertsitate-ikasle bat. Pixkanaka, gurasoak langile pobre bihurtzen ikusteak ematen dion lotsari aurre egin ezinda, eta ama Pierrekin abentura bat izaten ari dela susmatuta, Aurorek isiltasunean eta bakardadean ixten du bere burua. Matematika-ikasketetan bakarrik azaleratuko da.