Bainugela bat, estetika zaharrekoa eta arrosa. Bainuontzian, bi gazte erlaxatzen dira porru bat erretzen duten bitartean. Lur eskuinaldean dago, eta Martín, ezkerraldean. Porruak eragina egiten duen neurrian, elementuen jatorriari eta sorkuntzari buruz filosofatzen hasten dira. Martínek uste du dena asmatuta dagoela, gauza guztiek izena dutela, eta ez badute, bilatu egin behar zaiela. Beren arteko harremanari buruz hizketan hasten dira. Duela sei hilabete ezagutu zuten elkar, baina oraindik bien artekoak ez du izenik. Lagunak dira, baina, halaber, sexu-harremanak izaten dituzte. Martínek ez du argi zer diren, eta argitu egin nahi du. Lur elkarrizketari uko egiten saiatzen da, gorroto du gauzei izena jartzea, ez zaio gustatzen bere sentimenduei buruz hitz egitea, eta, horrelako egoeretan, ihes egiten du.