Ángel eta Gonzalo LGTBI aktibista ginearrek beren herrialdean kolektibo horretako pertsonek jasaten duten jazarpenaren lekukotasuna ematen dute, eta «armairutik irteteak» familia-mailan eta gizartean dakarren zailtasuna azaltzen dute. Gobernu-erregimenak giza eskubideak urratzen ditu: poliziaren abusuak, torturak, sexu-indarkeria, haurduntza behartuak, haurren sexu-esplotazioa, transexualen heriotza-tasa handia —estatuak konpon ditzakeen kausen ondorioz—, diskriminazioa, familiaren eta gizartearen gaitzespena, aribidean den lege-aurreproiektuaren testu ikaragarria —homosexualen nortasun juridikoa bertan behera uzteko helburua duena—… Ekuatore Ginean —1968ra arte Espainiako kolonia izan zena—, Alfer eta Gaizkileen Lege frankista indarrean dago gaur egun ere.