Baginismoa baginaren muskuluen nahi gabeko uzkurdura da, eta horrek sarketa eragozten du. Tratamendu espezifikorik gabeko arazo psikologikotzat jo izan da beti baginismoa, baina Madrinas filmeko protagonistek gezurtatu egiten dituzte teoria horiek, baginismoa fisioterapia bidez gainditzeko beren istorioekin.

Diana, Iraida eta Jacqueline proiektu artistiko bat prestatzen hasi dira, eta ezagutzera eman nahi dute aurki. Montse duela urte batzuk hasi zen elkarte bat antolatzeko lanean. Helburu bera dute denek: baginismoak inork ikusten eta aipatzen ez duen zerbait izateari utz diezaion lortzea. Horretarako, beste ezer baino lehen, izena eman behar diote, eta zertan datzan azaldu. Izan ere, ondo dakizuenez, izenik ez duena ez da existitzen.