Ekuatore Ginea duela 50 urte independizatu zen Espainiatik, eta Afrikako herrialde desorekatu eta bakartuenetako bat da orain. Herrialdeko idazle itzuliena den Juan Tomás Ávila Laurel laguntzaile hartuta ibiliko gara han barrena. 2011n, Espainian errefuxiatu behar izan zuen Ávilak, Teodoro Obiangen diktadura (munduko luzeena) salatzeagatik. Orain, haren liburuen bitartez ezagutuko dugu Afrikako bazter hori, oraindik ere bi mendetako mendekotasun kolonialaren eraginpean bizi dena.